PIDATO BAHASA JAWA TENTANG PERPISAHAN SEKOLAH

السلا م عليكم ورحمة الله وبر كا ته
اَلْحَمْدُ ِللهِ الَّذِى عَلَى مَا خَتَمْنَاهُ مِنَ الدِّرَاسَةِ. وَنَسْئَلُ نَفْعَهَا لِنُنْذِرَ بِهَا اَهْلَ الْقَرْ يَةِ. وَنَدْ عُهُمْ إِلَلا سَبِيْلِ رَبِّنَا بِالْحِكْمَةِ. وَالصَّلاَةُ وَالسَّلاَمُ عَلَى سَيِّدِنَا مُحَمَّدٍ إِبْنِ عَبْدِ اللهِ, وَعَلَى اَلِهِ وَأَصْحَا بِهِ وَمَنْ وَالاَهْ وَعَلَى مَنْ أَقَا مَ هَذِهِ الْمَدْرَسَةِ. وَمَنْ عَلَّمَ وَتَعَلَّمَ فِيْهَا لاِعْلاَءِ كَلِمَةِ اللهِ. اَمَّا بَعْدُ

Hadratul mukarromin, poro Ulama’ul amilin Bapak Kepala Sekolah ..... ingkang tansah kulo hormati, bapak Ketua Komite ..... soho pengurusipun ingkang kula hormati, poro Bapak lan Ibu guru ingkang kulo taati, poro Bapak/Ibu wali murid ingkang kulo hormati, sedoyo undangan ingkang kulo hormati, poro konco-konco sedoyo siswa-siswi SMP……… ingkang kulo sayangi lan tansah kulo tresnani.

Sa’derengipun kulo ngaturaken nopo ingkang dados jejibahan kawulo, langkung rumiyin kulo muji syukur dateng Alloh SWT ingkang sampun paring Rohmat Nikmat dumateng kulo lan panjenengan sedoyo sehinggo kito sami saged karoyo-royo, saget pepanggihan, sesarengan lan nyawiji wonten ing majelis puniko kanthi kawontenan ingkang sehat wal afiat.

Ingkang kaping kalehipun sholawat lan salam ugi tansah dipun limpahaken dateng junjungan kito Nabi Besar Muhammad SAW, soho dumateng poro ahli keluarga lan sohabatipun.

Ingkang kaping tigonipun kulo ngaturaken matur nuwun dhumateng sederek pranatacara ingkang sampun paring wekdal dumateng kawulo, sa’perlu ngaturaken sambunging utawi talanging atur siswa-siswi kelas tiga SMP ....., ingkang sekedap maleh bade purna saking SMP...... meniko.

Poro Rawuh ingkang kulo hormati !

gegayutan kalian jejibahan kawulo inggih puniko mewakili sangking sedoyo siswa-siswi khususipun siswa-siswi kelas tigo wonten ing SMP ...... puniko. Wonten ing kalodhangan meniko kawulo ngaturaken matur nuwun ingkang sa’agungipun dumateng Poro Bapak Kepala Sekolah, soho sedoyo dewan Guru lan karyawan ingkang sampun jerih payah ngorbanaken jiwa raga, tenaga, lan fikiran. Boten mangertos wekdal, siang utawi dalu, panas utawi jawah sak perlu mendidik soho membina dumateng kawulo sa’konco awit milahi mlebet wonten ing SMP .... mriki sehingga wekdal puniko saget dipun wastani Tamat tingkat SMP. Wonten ing mriki kulo sa’konco, boten saget bales punopo-punopo atas jerih payahipun, utawi jasa-jasanipun Poro Bapak Kepala Sekolah, lan Bapak/Ibu Guru, kejawi kulo namung saget ngaturaken….

جَزَا كُمُ اللهُ أَحْسَنَ الْجَزَاء كَثِيْرًا

Mugi-mugi Allah SWT ingkang paring piwales ganjaran awit saking jasa-jasa utawa jerih payahipun Poro Bapak/Ibu Guru kanti balesan ingkang sa’sahe-sahenipun, soho ingkang katah. Amien yaa Robbal Aalamien.

Poro Bapak Ibu soho poro rawuh sedoyo, selajengipun kulo sa’konco ngaturaken sedoyo kalepatan dumateng poro Bapak/Ibu Guru wonten ing SMP...... puniko, sebab kulo sa’konco tansah asring damel susah payahipun poro Bapak soho ibu sami ugi wonten ing sa’lebetipun Sekolah utwai wonteng ing jawinipun Sekolah. Pramilo sepindah kulo nyuwun dipun aliraken samudra pangapunten lahir lan batin.

Ingkang pungkasan kulo nyuwun barokah do’a restu dumateng Poro Bapak lan Ibu Guru, mugi-mugiu sedoyo ilmu ingkang sampun kulo pikantuk sangking SMP ...... puniko, sageto manfaat maslahah lan barokah saget manfaati lan barokahi dumateng pribadi kulo, masyarakat agami, lan negari ingkang akhiripun saget dados lantaran kangge taqorrub dumateng Alloh, soho ndadosaken sababiyahipun khusnul khotimah. Amieen.

Lan mugi-mugi sak sampunipun kito tamat sangking tingkat SMP puniko sageto nerusaken dateng tingkat sa’terusipun sehinggo saget hasil lan tercapai nopo ingkang kito cita-citaaken. Amien.

Kintenipun cekap semanten atur sangking kawulo awal ngantos akhir sedoyo kelepatan kulo, kulo nyuwun agengipun pangapunten.

و بالله التو فيق و الهداية
والسلا م عليكم ورحمة الله وبر كا ته